Jarduera politikoari ekin aurretik, tradizioa zen elizkizuna egitea Antzinako Andra Maria elizan. Eta foruak zin egiten zituzten ekitaldiak egiten ziren, halaber. Foruak indarrean egon ziren 1876. urtera arte eta data honetan abolitu zituzten. Antzinako batzarrak 1979. urtean berreskuratu ziren, azkenik, gaur egunera arte.
Enbor zaharra zutabez inguratutako tenplete baten barruan dago, lorategian. Gaur egunera arte iritsi zaigun arbola aztarnarik zaharrena dugu. Nahiz eta agirietan jasota dagoen zaharragoak ere egon direla. 1860 urtean honen ondorengoa landatu zen eta 2004. urtera arte iraun zuen zin egiteko tribunaren aurrean. 2005. urtean beste haritz bat landatu zen hantxe bertan, baina 10 urte baino ez zuen bizirik iraun paraje horretan. Gaur egun dugun arbola 2015. urtean landatu zen eta, hortaz, arbolak duen esangura sinbolikoak betikotzen jarraitzen du, nola Euskal Herriko jatorri eta arima transmititzen jarraitzen duen belaunaldiz belaunaldi.
Batzarretxean eta Arbolaren aurre-aurrean garrantzi handiko ekitaldiak egiten dira: Lehendakariaren kargu hartzea eta Bizkaiko Ahaldun Nagusiarena, esaterako. Bada inguru-inguruan monolito plakadun bat non 1936. urtean Jose Antonio Agirre lehen Lehendakariaren hitzak gogoratzen diren, zin egitea formalizatzeko. Protokolozko formula bera erabiltzen dute Lehendakari hautatu berriek ere, salbuespenak salbu.
